|  一稿兩投的 16
好耐好耐好耐.....(下刪五百個好耐)無用過個腦, 連一篇簡簡單單0既16都打幾個月, 過哂氣都未post 到出黎.... 難得打咁多字, 一定要用盡, fb post 一次, 呢到post 一次~ 1. 好多朋友叫我做嘉嘉, 其實我個真名係無個嘉字, 只係因為細個生得似加菲貓, 家姐們就由叫我加菲開始一路叫叫下叫嘉嘉, 叫kathy 都係因為個音似加菲~ 2. 其實我係獨生女, 我口中的哥哥家姐全部都係契媽0的仔女。因為由細到大都係跟契媽住, 於是佢0的仔囡變哂我的兄與姐。幼稚園入學試老師問我有幾多個兄弟姊妹, 我大大聲話有兩個哥哥三個家姐, 嚇死老師 3. 細細個已經識扮乖tum 老師, 一年級時我和一個同學平均分一樣, 但老師給我第一名, 因為我個樣夠乖 (係老師親口同媽媽講的!!!), 可惜之後讀書越來越差, 點扮都無用 4. 就係因為個樣生得太乖同埋演技太好, 每次0的人知我食煙都嚇左一跳, 只有大學一位師兄講過: "你扮乜x野乖, 一睇就知你食煙啦~", 但自從加價後開始想戒鳥~ 5. 很早就覺得自己不會結婚, 覺得兩個人每晚訓埋一張床係一件好不可思議的事, 同時深信生命痛苦多, 快樂少, 捨不得叫一個生命來歷劫紅塵, 所以絕。對。唔。會。生。仔！ 6. 我個人真係無乜性格, 我相信你快樂, 所以我快樂, 一直不太懂得愛鍚自己, 常常做一些令自己流血的事, 最近努力改善中 7. 好怕講電話, 通常講完要講的事就會快速收線, 真係想搵我講野, 一係msn, 一係約我出黎見面 8. 心情不好的時候, 望到和水有關的事就會快樂起來, 所以一唔開心就會去游水, 唔游得就會去城門河坐一下, 甚至洗下手也有幫助, 現在工作的地方正在海旁, 所以煙break 的時候感覺很爽~ 9. 最快樂的時光應該是讀大學, 因為完全沒有讀過書, 每天只是食訓玩, 奢侈地浪費著以為仲有大把的青春 10. 朋友對我來說最重要, 可惜常常不懂得表達自己, 經常被人誤會為人冷漠 11. 退休之後想移民到台灣或倫敦去, 前者每天有無聊電視可看, 後者可以常常看音樂劇 12. 想三十歲之前完成一個舞台劇 13. 想每天只穿黑色的衣服 14. 想養貓 15. 想和你在一起 16. 原來諗16件事係咁難, 你應該睇得出我越寫越HEA.... 
 關於記憶
有一日同個朋友講起想換電腦, 先發現兩個頗驚人的事實:
1. 我部電腦原來已經用左六年幾
2. 我從來都唔back up 友: "點解你可以從來都唔back up?"
我: "咁無架, eventually 都無野係帶得走架啦.... 無左咪無左囉" 狀若瀟灑,
其實我係知道自己記性太好, 要記住的人和事
毋須任何證據也可以輕易記上十年八年....
離開了辛格這半年時所發生的事
我想我還會記得很久很久 這段時間, 常常想起曾經看過某本書的幾句話 「過去的人和事, 說是忘記了, 其實根本沒有忘記這回事,
只是有新發生的事, 新遇到的人, 新的記憶慢慢蓋住舊的回憶,
但這是忘記嗎? 除非可以把那一段舊記憶完全搬離腦袋,
否則當走回某一個地方, 遇見某一個人, 甚至碰到一件小物件時,
那些舊記憶不必刻意記起又會頑固地回來, 避不開也躲不了」
"亦懷念那些吸不透的香煙"
我也沒有想過像無痛失戀那樣把記憶一刀切
我只想有一天我再聽到這首歌時
不會再有流淚的衝動
|
